Целта на состаноците е воочување на проблемите со кои се соочуваат адвокатите во конкретните заедници, како и на генерално ниво. 

Актуелните законски решенија кои ги засегаат адвокатите, надриписарството, работење под Адвокатската тарифата, адвокатската членарина,  се само дел темите кои беа акцентирани. Од страна на претседателот Михајловски беше посочено дека Комората тековно работи на унапредување на адвокатската дејност и справување со предизвиците, како и тоа дека мора да има соработка и единство помеѓу адвокатите заради исполнување на овие цели.

Состанок беше одржан и со адвокатската заедница Свети Николе на кој за нов претседател на заедницата беше избран адвокатот Драган Паневски.

Предвидено е наредниот период состаноци да се одржат и во останатите адвокатски заедници. 

Состаноци претходно се одржани и со адвокатските заедници Битола, Гостивар, Прилеп и Струмица.