Претседателот Михајловски истакна дека соработката е од витално значење за остварување на успешна размена на информации помеѓу двете Комори, притоа запазувајќи ги законските обврски и должности на членовите на двете комори, правата на пациентите, заштитата на осетливите информации и деловната тајна.
Проф. д-р Гривчева Старделова истакна дека двете комори можат партнерски да делуваат и да се надополнуваат во реализацијата на активностите поврзани со заштита на лекарите и пациентите со цел зголемување на ефикасноста во работењето.
На средбата се разговараше и за стручниот надзор кој го прави Лекарската комора, како и законската регулатива со која се регулираат правата во случај кога постои сомневање за направен пропуст во лекувањето. Во наредниот период двете комори ќе ја продолжат својата соработка со цел подобра размена на информации.